«Замин»ни Telegram’да ўқинг! Join!
Zamin.uz
, 02 2020, 13:52
ЎЗO‘Z

Қўлтиқ терлашига қарши 5 та муҳим маслаҳат

23 июн, 15:33 43 157 Ҳаёт тарзи
«Замин»ни Telegram’да ўқинг!
Қўлтиқ терлашига қарши 5 та муҳим маслаҳат Ёзнинг иссиқ кунлари кўпчилигимизни бир муаммо ташвишга сола бошлайди – терлаш. Айниқса, қўлтиқнинг терлаши кўпинча бизни ноқулай аҳволга солиб қўйиши мумкин.
Тўғри, бугунги замонавий гигиена воситалари бу каби нохуш ҳолатларнинг олдини олишга хизмат қилади. Аммо улардан жуда кўп фойдаланиш ҳам тери касалликларини келтириб чиқармоқда.

Аслида инсоннинг терлаши табиий ҳолат. Тиббиётнинг маълум қилишича, 1 сутка давомида танадан 1 литргача тер ажралиб чиқар экан. Тернинг асосий вазифаси шундаки, у тана ҳароратини бир маромда ушлаб туриб, уни қизиб кетишдан асрайди. Шунингдек, модда алмашинувини фаоллаштиради. Организмдаги токсинлар ҳам тер билан бирга чиқиб кетади. Яъни, терлаш инсон саломатлиги учун фойдали. Тер тешикчалари ёпилиб қолиши эса соғлигимизга хавф туғдиради.
Қўлтиқни бактериялардан ҳимоя қилиш, қуруқ ва соғлом сақлашнинг ҳам табиий усуллари мавжуд. Қуйида сизга бу бўйича тавсияларни берамиз.

Тозалик ва гигиена қоидаларига риоя қилиш
Иссиқ кунларда кун давомида икки маротаба душ қабул қилиш теридаги бактерияларга қарши энг самарали кураш ҳисобланади. Ҳеч бўлмаганда қўлтиқни кун давомида икки маротаба антибактериаль совун ва илиқ сув билан ювиш керак бўлади. Терлаш асосан тери яхши нафас ололмаган вазиятда пайдо бўлади. Шу туфайли иссиқ кунларда ипак, пахта каби табиий матодан тикилган ҳаво ўтказувчи кийимларни кийинг.

Таомномага диққатли бўлиш
Таркибида кофеин моддасини сақловчи маҳсулотлар, яъни қаҳва, қора чой, какао тер ишлаб чиқарувчи апокрин безларини фаоллаштиради. Шу сабабли, бу каби маҳсулотлардан вақтинча ўзингизни тийинг. Шунингдек, гармдори ва бошқа аччиқ маҳсулотларни, спиртли ичимликларни, тўйинтирилган ёғ-мойга бой маҳсулотларни, шакар ва ширинликларни тановул қилиш, тамаки чекиш тавсия қилинмайди.

Терининг ёғлилик даражасини меъёрида тутиш
Тери соғлом бўлиши ва микробларга қарши тура олиши учун унинг ёғлилик даражаси меъёрида бўлиши керак. Ана шунда ҳид келтириб чиқарадиган бактериялар омон қолмайди. Терининг ҳаддан ташқари қуруқлиги унинг буриши ва унга ажин тушишига сабаб бўлса, ҳаддан ташқари ёғли терида ҳар хил тошмалар кузатилиши мумкин.

Бирор мато ёки пахтани олма сиркасига ботириб қўлтиқ остига суринг ва шу йўл орқали тозаланг. Бу турли дезодорант ёки спрейларни ишлатишдан самаралироқ.

Лимон ёрдамида муолажа
Уй шароитида амалга ошириш мумкин бўлган яна бир муолажани лимон ёдамида амалга ошириш мумкин. Лимон бактерияларни ўлдиришда жуда самарадор восита саналади. Тоза узилган лимонни икки бўлакка бўлинг. Бўлакларни олиб, бирма-бир қўлтиқ остига ишқаланг ва лимон шарбати терига сингишига қадар буни тўхтатманг. Лимон сингиб, тери қуриганидан сўнг душ қабул қилинг. Буни қўлтиқдан келадиган ҳид даражаси пасайгунига қадар ҳеч бўлмаганда ҳар куни бир маротаба бажаринг.
Озиқ-овқат содасини сув билан бирга-бир қилиб аралаштиринг. Тайёр бўлган пастани қўлтиқ остига суриб, 20-30 дақиқа қолдиринг ва ундан сўнг сув билан ювиб ташланг.

Райҳондан фойдаланиш
Райҳон гули ҳам бактерияларга қарши самарали курашади. Унинг бир нечта баргларидан олиб душ қабул қилгунингизча бир неча дақиқа мобайнида қўлтиқ остига қўйинг. Шу йўл орқали бирор натижага эриши учун бу усулдан ҳафтада уч маротаба фойдаланиш керак бўлади.
Шу билан бирга, Ҳиндистон ва Покистондан келтириладиган ним ўсимлигининг экстракти бўлган табиий кремлардан ҳам фойдаланиш мақсадга мувофиқ. Ним ёки маргоза (Azadirachta indica) теридаги бактерияларга қарши курашувчи самарали воситадир.

Юқоридаги тавсиялардан ташқари яна бир тавсиямиз шуки, иссиқ пайтларда душ қабул қилгандан сўнг, айниқса иссиқ душдан кейин шоша-пиша кийинманг. Танангизни яхшилаб қуритиб, кейин кийиниб олинг. Кийимларингизни, хусусан терлаган кийимни алмаштириб, ювиб туринг. Акс ҳолда, сақланиб қолган бактериялар яна танага юқиб қолади. Жуда кўп терласангиз, терлашга қарши махсус ёстиқчалардан фойдаланинг. Ва, шифокорга мурожаат қилинг!

Манба: Sof.uz



 Добавление комментария


Кликните на изображение чтобы обновить код, если он неразборчив

Мавзуга оид янгиликлар
  • Кўп терлаш касалликми? (Мутахассис жавоби) 23 мар, 08:57
  • Ҳар куни истеъмол қилиш керак бўлган уч маҳсулот 29 апр, 17:58
  • Терини барвақт қаришдан ҳимоя қиламиз 25 апр, 16:21
  • Дезодорантлардан фойдаланиш йўллари 31 мар, 23:39
  • Қуруқ мевалар — фойдами ёки зарар? 24 мар, 20:11
  • Ажинлар ва тери қаришига қарши курашувчи ёғлар 28 дек, 14:10
  • Сўнгги янгиликлар
  • Хитой бир ўқ билан икки қуённи урмоқда, Ғарб эса норози... 02 июл, 11:30 97
  • Уйни тоза сақлашга ёрдам берувчи 6 тавсия 02 июл, 11:03 208
  • Расул Кушербаев 200 ва 500 сўмлик банкноталарни муомаладан чиқармасликни таклиф қилди 02 июл, 10:41 346
  • Ўзбекистонда коронавирус инфекцияси қайд этилганлар сони 8900дан ошди 02 июл, 10:29 344
  • Путиннинг президентлик муддатлари «нуллаштирилди» 02 июл, 10:22 602
  • Бозорлардаги нарх-наволар маълум қилинди 02 июл, 10:00 260
  • ЖССТ раҳбари дунёда коронавирусдан нечта вакцина ишлаб чиқилаётганини маълум қилди 02 июл, 09:38 495
  • Танишларига 150,0 млн. сўм моддий зарар етказган фирибгар суд ҳукми билан 5 йилга озодликдан маҳрум бўлди 02 июл, 09:16 201
  • Ўзбекистондаги наркодиспансерларда қанча одам ҳисобда тургани маълум қилинди 02 июл, 08:50 247
  • Ўзбекистонда вояга етмаган маҳкумларнинг ота-онаси билан учрашувларида чекловлар бекор қилинди 02 июл, 08:27 176
  • Ўзбекистонда коронавирусдан зарарланиш ҳолатлари сони 8800га яқинлашмоқда 02 июл, 08:00 359
  • Қашқадарёда коронавирусдан илк ўлим ҳолати қайд этилди 02 июл, 07:30 475
  • Бўлимлар