«Замин»ни Telegram’да ўқинг! Join!
Zamin.uz
, 29 2020, 02:58
ЎЗO‘Z

Шавкат Мирзиёев Фарғонага ташриф буюрди

22 июн, 10:54 6 212 Ўзбекистон
«Замин»ни Telegram’да ўқинг!
Шавкат Мирзиёев Фарғонага ташриф буюрди Ўзбекистон Республикаси Президенти Шавкат Мирзиёев жойларда ижтимоий-иқтисодий ислоҳотларнинг бориши, амалга оширилаётган бунёдкорлик ва ободонлаштириш ишлари, янги лойиҳалар билан танишиш, халқ билан мулоқот қилиш мақсадида бугун, 22 июнь куни Фарғона вилоятига ташриф буюрди, деб хабар берди Qalampir.uz.

Фарғона вилояти ўзининг ер ости ва ер усти бойликлари, ривожланган саноат ва коммуникация тармоқлари билан мамлакатимиз тараққиётида алоҳида ўрин тутади. Вилоятнинг иқтисодий салоҳияти аҳоли турмуш даражасини оширишда муҳим омил бўлмоқда.

Жорий йилнинг биринчи чорагида вилоятда ялпи ҳудудий маҳсулот 6,1 фоиз ўсди. Саноат маҳсулотлари ишлаб чиқариш, қишлоқ хўжалиги маҳсулотлари етиштириш, инвестиция лойиҳаларини амалга ошириш, қурилиш, хизматлар кўрсатиш соҳаларида барқарор ўсиш суръатлари таъминланди.

Саноат маҳсулотининг 96 фоиздан ортиғи кимё, нефть-кимё, енгил саноат, озиқ-овқат саноати, машинасозлик ва қурилиш материаллари тайёрлаш каби замонавий тармоқларда ишлаб чиқарилмоқда. Фарғона нефтни қайта ишлаш заводи, “Фарғона азот”, “Автоойна”, Қўқон механика заводи, “ДЭУ текстиль Фарғона”, “Қўқон Индорама текстиль” каби йирик саноат корхоналари нафақат вилоят, балки мамлакатимиз иқтисодиётида алоҳида ўрин эагаллайди.

Замонавий саноат тармоқларини ривожлантириш, халқаро бозорда рақобатдош маҳсулотлар ишлаб чиқарадиган янги корхоналар барпо этиш ва мавжуд қувватларни модернизация қилиш тизимли равишда давом эттирилмоқда. Экспорт қилувчи корхоналар ҳар томонлама қўллаб-қувватланаётгани, кичик бизнес ва хусусий тадбиркорлик субъектлари экспорт фаолиятига кенг жалб этилаётгани самарасида вилоятнинг бу борадаги салоҳияти муттасил ошиб бормоқда.

Давлат раҳбарининг 2017 йил 12 январдаги фармонига асосан ташкил этилаётган “Қўқон” эркин иқтисодий зонаси бу борадаги имкониятларни янада кенгайтиради.

Тадбиркорлик фаолияти билан шуҳрат қозонган Фарғона заминида кичик бизнес ва хусусий тадбиркорлик соҳаси жадал ривожланмоқда. Бу соҳанинг ялпи ҳудудий маҳсулотдаги улуши 62 фоизга, экспортдаги улуши 58 фоизга етган. Меҳнат билан банд аҳолининг 81 фоизи шу соҳада ишламоқда.

Вилоятнинг омилкор деҳқон ва фермерлари қишлоқ хўжалигида улкан натижаларга эришмоқда. Такрорий экинлардан, томорқадан унумли фойдаланиб, қўшимча даромад топмоқда. Шу кунларда ғалла ҳосили йиғиб олинмоқда.

Шавкат Мирзиёевнинг сайловолди дастурида мамлакатимизнинг ҳар бир ҳудуди каби Фарғона вилоятини ҳам ҳар томонлама ривожлантириш, иқтисодиётни модернизация ва диверсификация қилиш, улкан бунёдкорлик ишларини амалга ошириш, аҳоли ҳаёт даражасини юксалтириш борасида аниқ режа ва мақсадлар баён этилган эди.

Президент Фарғонага ташрифи давомида мазкур режалар ижроси, истиқболдаги лойиҳалар билан танишади, халқ билан мулоқот қилиб, шаҳар ва туманларда амалга оширилаётган бунёдкорлик ишларини кўздан кечиради.



 Добавление комментария


Кликните на изображение чтобы обновить код, если он неразборчив

Мавзуга оид янгиликлар
  • Шавкат Мирзиёев бугун Фарғонага боради 12 июн, 06:00
  • Шавкат Мирзиёев Наманган вилоятига боради 05 июл, 17:21
  • Шавкат Мирзиёев Андижон вилоятига келди 02 июн, 12:13
  • Шавкат Мирзиёев Жиззах вилоятига ташриф буюрди 27 апр, 14:31
  • Шавкат Мирзиёев Навоий вилоятига сафарини бошлади 28 мар, 11:22
  • Шавкат Мирзиёев Сурхондарё вилоятига ташриф буюрди 10 фев, 13:41
  • Сўнгги янгиликлар
  • Ўқитувчиларнинг пенсия ёши қисқартирилиши мумкин 29 ноя, 00:30 226
  • 2021 йилда солиқ солишда нималар ўзгаради? 29 ноя, 00:01 190
  • Қишда бензинни қандай тежаш мумкин? 28 ноя, 23:30 248
  • Атамбаев ва адвокатининг тергов қамоғидаги суҳбатини махфий тинглаш бўйича жиноят иши очилди 28 ноя, 23:00 335
  • Европа ва АҚШга Pfizer вакцинасини етказиб бериш бошланди 28 ноя, 22:38 248
  • Samsung «гармошка-смартфон»ни намойиш этди 28 ноя, 22:07 200
  • Майк Тайсон қандай қилиб 45 кг вазн ташлаганини маълум қилди 28 ноя, 21:42 485
  • Жаҳонгир Отажонов ва клипмейкер Ҳабибулло Набиев «жанжали»га нуқта қўйилди 28 ноя, 21:10 681
  • Шомуродовнинг вакили Трабуккига жавоб қайтарди 28 ноя, 20:43 721
  • Хушнудбек Худойбердиев: "ЎФАнинг бугунги баёноти бўйича айрим саволлар бор" 28 ноя, 20:10 521
  • Ўлимдан қўрққан Марадона оила аъзоларидан нимани илтимос қилган эди? 28 ноя, 19:46 1 495
  • Тошкент шаҳридан Фарғона водийсига қўшимча поезд қатнови йўлга қўйилмоқда 28 ноя, 19:19 364
  • Бўлимлар