АҚШнинг Флорида штатидаги Орландо шаҳрида узунлиги уч метр бўлган аллигатор самолёт билан тўқнашди, деб ёзади “Даракчи” нашри. Воқеа Orlando Executive аэропортида рўй берди. Бу ҳақда маҳаллий учувчи Брэд Пирс ўзининг Facebook саҳифасида хабар қолдирди. Кичик самолёт аэропортга қўнаётганда учиш-қўниш йўлагига чиқиб қолган аллигатор сакраб, самолётнинг қанотига урилди. Аллигатор воқеа жойида ҳалок бўлди. Самолётнинг қаноти шикастланди.
“Шунча йилдан бери авиацияда ишлаганимга қарамай, илк маротаба бундай ахмоқона ҳолатга гувоҳ бўлиб турибман. Флоридага хуш келибсиз!”, деб ёзди Пирс.