«Замин»ни Telegram’да ўқинг! Join!
Zamin.uz
, 25 2024, 04:12
ЎЗO‘Z

Жиззахда бозорқўмдан пул талаб қилган товламачи қўлга олинди

31 мая, 07:20 5 810 Жамият
«Замин»ни Telegram’да ўқинг!
Жиззахда бозорқўмдан пул талаб қилган товламачи қўлга олинди Бахмаллик Эсонбой (исм-шарифлар ўзгартирилган) тумандаги деҳқон бозорига йўл олди. Олдиндан режалаштирганидек, тўппа-тўғри бозор раҳбари Ш.Хонкелдиев хонасига кириб борди, деб ёзади Kun.uz нашри.

Салом-аликдан сўнг бозорқўмга юзланди:

- Шарифбой, мени биласан, ернинг тагида илон қимирласа сезаман. Унча-бунча одамнинг нозик томонини топаман-да...
- Тушунмадим, Эсонбой ака. Бу гапингиз билан нима демоқчисиз?

- Бозор катта, сен ундан унча, бундан бунча, дегандай, ноқонуний тирикчилик қиляпсан, буни сезиб юрибман.
- Ҳаддингиздан ошманг, ҳеч бир исботсиз устимдан мағзава ағдарманг, - жаҳли чиқди Шариф Хонкелдиевнинг.

- Ҳов бола, - ёши катталигини пеш қилиб, осмондан кела бошлади Эсонбой. – Айтганимни қиласан, акс ҳолда шундай қиламанки, туғилганингга пушаймон бўласан!
- Билганингизни қилинг, менинг бировдан муттаҳамлик жойим йўқ.

Эсонбой режаси амалга ошмагани учун кайфияти бузилиб, ноилож уйига қайтди. Қўлига қоғоз-қалам олиб, Ш.Хонкелдиевнинг устидан тўқиб-бичиб шикоят аризани ёзди-да, тегишли идорага жўнатди.

Орадан бир неча кун ўтиб, бундан воқиф бўлган Шариф Хонкелдиев нега ариза ёзганини сўраш мақсадида Эсонбойга учрашди. Шикоятини қайтариб олишни сўраб илтимос қилди. Эсонбой эса 15 миллион сўм берсагина, аризасини қайтариб олишини айтди.

Шариф бу одамнинг қандайлигини яхши билар эди. У мансабдорларни қўрқитиб, улардан тама эвазига пул олиб, чўнтагини қаппайтириш пайидан бўларди. Шу боис “Ҳеч қандай айбим бўлмаса, қонун бор, адолат бор” дея у ҳам Э.Кенжабоев товламачилик йўли билан пул талаб қилаётганлиги тўғрисида Бахмал тумани ИИБга ариза билан мурожаат қилди.

Э.Кенжабоев қилмиши қонунга хилоф эканлигини била туриб, товламачилик йўли билан Ш.Хонкелдиевдан 6 миллион 500 минг сўм олаётган вақтда ички ишлар органлари ходимлари томонидан қўлга олинди.

Нафсига эрк қўйиб, туҳмат эвазига даромад қилмоқчи бўлган товламачига нисбатан қонуний чора кўрилди.




Мавзуга оид янгиликлар
  • Олимлар 2024 йилда кучли жазирамадан азият чекиши кутиладиган ҳудудларни айтди 24 апр, 22:42 149
  • Вазирнинг “дакки”си, бу ишлардан зериккан Жўраевлар оиласи ва Ботир Қодировнинг иқрори... 24 апр, 21:37 220
  • Зоҳиршоҳ Жўраев Ботир Қодиров билан ўтаётган суд юзасидан изоҳ берди 24 апр, 18:50 526
  • Оролбўйидан динозавр изи топилгани ростми? 24 апр, 18:06 75
  • Ҳамкорлик давом этмоқда 24 апр, 15:05 67
  • Самарқандда эрини тириклай ёқиб юборган аёл: “Бор-йўғи 1,5 литр бензин қуйдим” 24 апр, 14:42 349
  • Сўнгги янгиликлар
  • Ўзбек профессионал бокси тарихидаги энг катта жанг тасдиқланди! 25 апр, 00:33 86
  • Хосе Венансио: Эронга қарши ўйиндаги ғалаба Жаҳон чемпионати олдидан жамоамизга яхши таъсир кўрсатади 25 апр, 00:23 44
  • Ўзбекистон биринчи чоракда 2,7 млрд долларлик олтин сотди 25 апр, 00:06 23
  • Эронда рэпер Тумож Солиҳий ўлим жазосига ҳукм қилинди 24 апр, 23:35 103
  • Шойгунинг ўринбосари ҳибсга олинди. Бу иш ҳақида ҳозиргача нималар маълум? 24 апр, 23:12 100
  • Олимлар 2024 йилда кучли жазирамадан азият чекиши кутиладиган ҳудудларни айтди 24 апр, 22:42 149
  • Россия мудофаа вазири ўринбосари Тимур Иванов тергов изоляторига жўнатилди 24 апр, 22:20 65
  • Еврокомиссия раҳбари: “Россиянинг Украинадаги ғалабаси Европа тарихини ўзгартиради” 24 апр, 22:00 203
  • Вазирнинг “дакки”си, бу ишлардан зериккан Жўраевлар оиласи ва Ботир Қодировнинг иқрори... 24 апр, 21:37 220
  • Элдор Шомуродов трансферига нарх белгиланди! 24 апр, 21:25 285
  • Футзал. Ўзбекистон Вьетнам устидан иродали ғалаба эришиб, ярим финалга йўл олди 24 апр, 21:09 160
  • Америкалик олимлар барча учун бирдек фойдали жисмоний фаоллик турини аниқлади 24 апр, 20:50 106
  • Бўлимлар