General Motors компаниясининг Санкт-Петербургдаги заводи 1 июлдан бошлаб ишлаб чиқаришни бутунлай тўхтатди. Бу ҳақда GM Авто МЧЖ вакилларига таянган ҳолда РИА Новости агентлиги маълум қилди, деб ёзмоқда Kun.uz. Шу йилнинг март ойида компания Opel брендини Россиядан олиб чиқиб кетиши ва Санкт-Петербургдаги заводни вақтинчалик тўхтатиши ҳақида маълум қилган эди. Заводда бир гуруҳ ходимларнинг штати сақланиб қолган бўлиб, улар ишдан тўхтатаган корхонага қараб туришади. Заводда минг киши ишлар эди. Ишдан бўшатилган ходимларга 7 оклад миқдоридаги пакетлар таклиф қилинган эди.