Покистон ва Ҳиндистон чегарасидаги Кашмир ҳудудига жойлаштирилган ҳинд ҳарбий қисмига номаълум қуролли гуруҳ томонидан ҳужум уюштирилди. Ҳодиса оқибатида 9 нафар ҳинд аскари ҳамда икки полициячиси ҳалок бўлган, деб хабар иермоқда «Kun.uz».Террорчилар билан отишмалар бир неча соат давом этган ва 6 нафар жангари ўлдирилган дейилади “Россия24” телеканалида берилган хабарда.
Хабарларга кўра, бу жангарилар Покистон томонидан ёлланган. Маҳаллий ОАВнинг қайд этишича, бундай кўламдаги тўқнашув охирги 6 йил давомида илк марта юз берган.
Эслатиб ўтамиз, Кашмир бўйича Ҳиндистон ва Покистон мунозаралари 1947-йилдан буён давом этиб келади. Ҳиндистон таркибида қолган ҳудуд аҳолиси ҳам Покистонга қўшилишни маъқуллашади. Чунки, бу ҳуддудда асосан мусулмон динига эътиқод қиладиганлар истиқомат қилади.
Фото: vesti.ru