GM Uzbekistan акциядорлик жамияти Tico, Epica ва 2-авлод Nexia автомобилларини ишлаб чиқариш тўхтатилганини маълум қилди, деб ёзади Дарё нашри.«Tico, Epica ва 2-авлод Nexia автомобилларини ишлаб чиқариш билан боғлиқ бўлган кўп сонли мурожаатлар туфайли, GM Uzbekistan АЖ маълум қиладики, Tico модели 2004 йилда ишлаб чиқаришдан олиб ташланган, Epica’ни ишлаб чиқариш 2012 йилдан тўхтатилган, 2-авлод Nexia’ни ишлаб чиқариш 2016 йил 1 августдан тўхтатилган», — деб ёзди компания ўз Facebook саҳифасида.
«Автомобилларнинг модель қаторлари, модификациялари, опциялари ва нархларидаги ҳар қандай ўзгаришлар ҳақида GM Uzbekistan АЖ расмий сайтида ва Facebook’даги саҳифасида олдиндан хабардор қилади», — дейилади хабарда.