Мадриднинг "Реал" клуби ярим ҳимоячиси Тони Кроос жамоа муваффақиятида бош мураббий Зинедин Зиданнинг улуши катта эканини таъкидлади, деб ёзади "Уфф.уз". "Зидан жамоани қабул қилиб олгани ҳамоно жуда катта таъсир ўтказди. Мана 15 ойдирки унинг қўл остида ўйнамоқдамиз.
Зидан келгунга қадар жамоадаги муҳит у қадар яхши эмас эди. Аммо у барчасини ўзгартириб юборди. Зидан ажойиб ички муҳит шакллантирди ва иш тизимини мутлақо бошқача йўналишда олиб борди", - дейди Кроос.
Эслатиб ўтамиз, "Реал" Рафаэл Бенитес қўл остида ёмон натижа қайд эта бошлагач унинг ўрнига Зинедин Зидан таклиф этилган ва жамоа ўтган мавсум Чемпионлар лигасида ғолиб чиқиб, УЕФА Суперкубоги ва клублар ўртасидаги жаҳон чемпионатини қўлга киритган эди.