Ўзбекистоннинг енгил автомобиллар ишлаб чиқарувчи ва экспорт қилувчи GM Uzbekistan АЖ Қозоғистоннинг миллий автотранспорт воситалари ишлаб чиқарувчи AllurGroup билан бирга қўшма лойиҳанинг якуний босқичини бошлашди. Унга кўра, Ravon Nexia R3 модели йирик блокли йиғиш (SKD) услубида Қозоғистоннинг Қустанай шаҳридаги «СариаркаАвтоПром» ишлаб чиқариш майдонида йиғилади, деб ёзади Кун.уз нашри.Лойиҳа доирасида GM Uzbekistan АЖ ва «СариаркаАвтоПром» ишлаб чиқариш бирлашмаси ўртасида келишув имзоланган.
Илк босқичда Қустанай шаҳрида йилига 3 минг дона Ravon Nexia R3 седанининг SKD-йиғилиши йўлга қўйилади. Кейинчалик, бу рақам 7 мингтага етказилиши мумкин.
Ravon Nexia R3 автомашиналари AllurAuto ва «ЎзАвто Азия» компанияларининг дилерлик марказлари томонидан сотилади.
