Озарбайжонда куёв никоҳ тўйига келмаган меҳмонларни судга беришга ҳозирлик кўрмоқда. Бу ҳақда «РИА Новости» нашрига асосланиб, «Дарё» хабар берди.Адвокат Вугар Сафарлига исмини ошкор қилишни хоҳламаган шахс никоҳ тўйига таклиф қилинган бироқ келмаган шахсларни судга бермоқчилигини маълум қилган.
Адвокат томонидан берилган хабарга кўра, бундай мурожаатнинг қониқтирилишига ишониш қийин. «Тан олиш керакки, сўнгги вақтларда Озарбайжонда никоҳ тўйларини ўтказишга бизнеснинг бир тури сифатида қарайдиганлар кўпаймоқда»,— дейди адвокат ўз хабарида.