Франция президентлига номзод Франсуа Фийон ва унинг турмуш ўртоғи Пенелопанинг уйида 2 март, пайшанба куни тинтув ўтказилди. Бу ҳақда «Ведомости»га таяниб «Дарё» хабар бермоқда.Parisien манбаларига кўра, тинтув Фийонга нисбатан «давлат маблағларини талон-тарож этиш» ва «жамоат мулкини суиистеъмол қилиш» юзасидан очилган иш доирасида суднинг уч нафар терговчи кўрсатмасига биноан амалга оширилди.
Эслатиб ўтамиз, олдинроқ парламент депутати бўлган турмуш ўртоғининг ёрдамчиси вазифасини бажармай, маош олиб келганликда гумон қилинган Пенелопа Фийон ҳибсга олингани ҳақидаги хабарлар инкор этилганди.