«Замин»ни Telegram’да ўқинг! Join!
Zamin.uz
, 09 2020, 15:33
ЎЗO‘Z

Шавкат Мирзиёев яна бир ўзбек хонадонида меҳмон бўлди

27 фев, 22:27 6 235 Жамият
«Замин»ни Telegram’да ўқинг!
Шавкат Мирзиёев яна бир ўзбек хонадонида меҳмон бўлди Президентимиз Қарши туманидаги "Нукробод" қишлоқ фуқаролар йиғинининг Якка ёғоч массивида янгиланган намунавий лойиҳалар асосида барпо этилган арзон уй-жойларни бориб кўрди, деб ёзади Даракчи нашри.

Одамлар ҳаётини янада фаровонлаштириш мақсадида мамлакатимизнинг барча ҳудудида янги лойиҳадаги арзон, замонавий, шинам уй-жойлар қурилмоқда. Давлатимиз раҳбарининг 2016 йил 21 октябрдаги “2017-2021 йилларда қишлоқ жойларда янгиланган намунавий лойиҳалар бўйича арзон уй-жойлар қуриш дастури тўғрисида”ги қарори бу борадаги ишларни янги босқичга кўтармоқда.

Ушбу қарорга мувофиқ Якка ёғоч массивида ер участкаси 2 сотих бўлган уч хонали уйлар қурилди. Бу уйларнинг фойдаланиш майдони 63,5 квадрат метр бўлиб, унда иккита ётоқхона, меҳмонхона, ошхона, ювиниш хоналари ва қозонхона мавжуд. Ҳовлисида хўжалик бинолари қурилган.

Икки қаватли 16 хонадонли турар-жой бинолари икки ва уч хонали қилиб қурилган. Уйларда ётоқхона, меҳмонхона, ошхона ва ювиниш хоналари ҳудуднинг иқлим шароити, санитария ва хавфсизлик талаблари, халқимизнинг миллий ҳаёт тарзига оид барча жиҳатлар ҳисобга олинган ҳолда барпо этилган.

Ўз уй-жойига эга бўлиш ҳар бир инсон ҳаётида қанчалик муҳим эканини барчамиз яхши биламиз, деди Президентимиз. Халқимиз уйи борнинг ўйи йўқ, деб бекорга айтмаган. Бунинг чуқур маъноси бор. Бундай уй-жойлар тақсимотида халқимизга хос ҳақиқат ва адолат мезонларига қатъий риоя этилиши керак.

Қурилиш материалларининг таннархини камайтириш ҳисобига уйларнинг нархини янада арзонлаштириш, ташқи инженерлик тармоқлари – ичимлик суви, ички йўллар, электр энергияси ва табиий газ билан таъминлаш, атрофларини ободонлаштириш бўйича зарур кўрсатмалар берилди.

Президентимиз янги уй соҳибларидан бири Алишер Аҳмедов хонадонида бўлиб, бу ерда яшаш учун яратилган қулай шароитлар билан танишди, дилдан суҳбатлашди. Ёш оила аъзолари давлатимиз раҳбарига эътибори ва ғамхўрлиги учун самимий миннатдорлик билдирди.

Шавкат Мирзиёев Мирмирон массивидаги янгиланган намунавий лойиҳалар асосида қурилган уйларда истиқомат қилувчи аҳоли учун иссиқхона ташкил этиш лойиҳаси билан танишди.

Ушбу иссиқхона 25 гектар майдонда метал, тахта, плёнка ва бошқа маҳаллий қурилиш материалларидан фойдаланилган ҳолда барпо этилади. Бу ерда лимон, мандарин ва папайя каби цитрус мевалар, помидор, бодринг, гулкарам, ҳар хил кўкатлар етиштирилиши режалаштирилган. Ушбу лойиҳа амалга оширилиши натижасида иссиқхонада йилига 3 миллиард сўмлик маҳсулот етиштирилади. Уларнинг бир қисми ички бозор талабларини қондирса, қолгани экспортга йўналтирилади. Натижада аҳоли қиш мавсумида ҳам арзон мева-сабзавот маҳсулотлари билан таъминланади. 229 иш ўрни яратилиши аҳоли турмуш фаровонлигининг ортишига хизмат қилади.

Президентимиз бундай иссиқхоналарни қуриш ва улардан фойдаланишда замонавий технологияларни қўллаш, ишга малакали мутахассислар билан бирга коллеж битирувчиларини ҳам кенг жалб этиш борасида зарур кўрсатмалар берди.



 Добавление комментария


Кликните на изображение чтобы обновить код, если он неразборчив

Мавзуга оид янгиликлар
  • Ўзбекистонда "арзон уй жой" тушунчаси ўзгаради 02 фев, 11:33
  • Арзон уй-жойлар учун дастлабки тўлов суммаси камайтирилди 19 июл, 13:56
  • 2018 йил Ўзбекистонда 365 та кўп қаватли уй қурилади 01 дек, 12:10
  • Шавкат Мирзиёев ёш оиланинг янги хонадонида меҳмон бўлди 24 фев, 20:14
  • Арзон уй-жойлар қуриш дастури доирасида яна 74 оила янги уйли бўлди 08 фев, 21:36
  • Самарқандда 2014 йил давомида 1,12 мингдан ортиқ намунавий уй-жой қурилди 06 янв, 12:58
  • Сўнгги янгиликлар
  • «Карантинга тўла риоя қилинса, 1 августдан яна ҳаммаси изига тушиши мумкин» – мутахассис 09 июл, 15:00 0
  • Хитойда кремация қилиниб, кўмилган эркак уйига тирик ҳолда қайтиб келди 09 июл, 14:38 3
  • Коронавирус Ўзбекистонга олдинроқ кириб келган бўлиши мумкин 09 июл, 14:15 1
  • Элдор Шомуродов тўп тепадиган «Ростов» Япония терма жамоаси аъзосини ўз сафига қўшиб олди 09 июл, 13:53 30
  • Президент йиғилишида 6 та раҳбар ишдан олинди. Қатор амалдорларга «ҳайфсан» берилди 09 июл, 13:32 88
  • Автомобилларнинг махсус рухсатномасиз ҳаракатланиш вақтлари бўйича маълумот берилди 09 июл, 13:07 325
  • Нурмат Отабеков: Карантин чораларини юмшатишни кўпчилик нотўғри тушунди 09 июл, 12:44 141
  • Тошкентда 3 баллик зилзила сезилди 09 июл, 12:23 282
  • Мутахассислардан сутни косметик восита сифатида ишлатиш бўйича тавсиялар 09 июл, 11:58 213
  • Бухорода ҳайдовчилар ҳушёрлигини ошириш мақсадида А-380 трассасига ЙТҲга учраган машина макети ўрнатилди 09 июл, 11:35 147
  • Бухорода ҳайдовчилар ҳушёрлигини ошириш мақсадида А-380 трассасига ЙТҲга учраган машина макети ўрнатилди 09 июл, 11:35 151
  • Черногория: Ўзбекистон фуқароларини давлатга киришига рухсат этилди 09 июл, 11:13 332
  • Бўлимлар