"Сомон Эйр" авиакомпанияси ўтказган текширувлардан сўнг компания томонидан тегишли ҳужжатлар жўнатилмаганлиги маълум бўлди.Ушбу ҳолат учун жавобгар компания тижорат директори Алишер Рустамов бошчилигидаги барча маъсул шахслар жазоланди ва ишдан бўшатилди, деб ёзмоқда Соф..уз сайти.
Айни пайтда икки мамлакат авиакомпаниялари ўртасида барча техник жараёнлар ҳал қилинмоқда. Душанбе-Тошкент-Душанбе рейси яқин кунларда амалга оширилиши кутилмоқда.
"Сомон Эйр" авиакомпанияси 20 февраль куни учиши керак бўлган Душанбе-Тошкент рейси йўловчилари ва Ўзбекистондаги ҳамкорларидан юзага келган ноқулайликлар учун узр сўради.
Эслатиб ўтамиз, 25 йилдан буён кутилаётган илк Душанбе-Тошкент рейси 20 февраль куни амалга оширилиши лозим эди. Лекин Тошкент Халқаро аэропорти Тожикистон авиакомпаниясига парвозни амалга оширишга рухсат бермаганди.