Бугун Россия Федерацияси президенти ва Туркия раҳбари Режеп Эрдўғон ўртасида телефон мулоқоти бўлиб ўтди.Суҳбатда Суриядаги инқирозли вазият юзасидан ўзаро фикр алмашилган. Путин бир қатор турк ҳарбийларининг Эл-Баб туманида ҳалокати юзасидан ҳамдардлик билдирди, дейилади Sharh.uz сайтида.
Маълумки, аввалроқ чоршанба куни Туркия бош штаби Сурия шимолида 4 нафар турк ҳарбийларининг ДАИШ террорчилари билан тўнашувда ҳалок бўлгани ва 15 нафарининг жароҳатланганини маълум қилган.
Туркия армияси ўтган йилнинг 24 август куни Сурия қуролли мухолифати иштирокида ДАИШ террорчиларига қарши ҳарбий операция бошлаган эди. Дастлаб чегарадаги Жараблус шаҳари устидан назоратни қўлга олган, ҳозирда эса Эл-Баб шаҳрига хужум уюштирмоқда. Туркия президенти Тайип Эрдўғоннинг айтишича, ҳарбий операциядан мақсад 5 минг километр ҳудудни террорчилардан тозалаш ва бу ерда қочоқларни жойлаштириш учун хавфсиз ҳудуд ташкил этишдан иборат.