Терига яхшилаб сурилган тонал крем умуман сезилмайди. Агар бу восита нотўғри қўлланилса, дарров билиниб қолади.Дарё нашри тонал воситадан фойдаланишда йўл қўйиладиган баъзи хатолар тўғрисида мақола чоп этди.
Юз ва бўйиннинг ҳар хил рангда бўлиши
Юз ва бўйин рангларининг фарқи дарров кўзга ташланади. Тонал воситани қўлга эмас балки юзнинг жағ қисмига суриб кўриб танлаган маъқул.
Терининг кенгайган тешикчалари
Теридаги бу камчиликни яшириш ва макияж идеал бўлиши учун тонал кремни юмшоқ спонж (махсус губка) ёрдамида суриш тавсия қилинади.
Тонал кремни нотўғри танлаш
Шуни ҳар доим эсда тутингки, тонал воситани танлашдан олдин албатта терингизнинг турини аниқланг ва унга мос келувчи воситани олинг.
Консилер (корректор) доғлари
Тонал восита мос тушса ҳам консилер мос тушмаслик ҳоллари ҳам учраб туради. Бундай вазиятда қанча уринганингиз билан ўзингиз хоҳлаган натижага эриша олмайсиз.
Сочдаги крем
Эҳтиётсизлик оқибатида кремни юз чеккасидаги сочларга ҳам суриб юборган ва буни ўзингиз ҳам пайқамаган бўлишингиз мумкин. Бу албатта атрофдагиларга кўриниб туради. Шунинг учун тонал воситани диққат ва эътибор билан суриш лозим.