Сарвар Ашуров «Камолот» Ёшлар ижтимоий ҳаракати Марказий кенгаши раиси вазифасини бажарувчи этиб тайинланди. Бу ҳақда Кун маълум қилди.У «Камолот»нинг аввалги раҳбари, январь ойи охирида Президент Девони ёшлар масалалари сектори раҳбари этиб тайинланганган Баҳодир Ғаниевнинг ўрнини эгаллади.
1982 йилда туғилган Сарвар Ашуров — Ўзбекистон Миллий университети ва Тошкент молия институти битирувчиси ҳисобланади. 2013 йилдан «Камолот» раиси ўринбосари ва «Камалак» болалар ташкилоти раиси лавозимида фаолият кўрсатиб келаётган эди.