Хитойнинг Сичуань провинциясида дунёдаги энг кекса эркак панда вафот этди. Бу ҳақда Global Times'га асосланиб Дарё нашри хабар берди.
Пан-Пан лақабли панда 31 ёшда эди. Жонзот катта пандаларни ўрганиш ва ҳимоя қилиш миллий марказида яшарди. Пан-Пан 130 мартадан ортиқ оталик бахтига муяссар бўлган.
Шу йилнинг октябрь ойида Гонконгда Сзя Сзя лақабли урғочи панда вафот этганди. Унинг ёши 38 да эди. Айни вақтда Фуцзянь провинцияси Фучжоу шаҳридаги катта пандаларни ўрганиш марказида яшовчи 36 ёшли Баси лақабли панда энг кексаси саналади.