Тошкент шаҳар ҳокими Раҳмонбек Усмонов Олма-ота ҳокими Бауржан Байбек билан учрашув ўтказди. Бу ҳақда Олма-ота шаҳри ҳокимияти матбуот хизмати хабар беради.
Жорий йилнинг 10 ойида Олма-ота ва Ўзбекистон ўртасидаги товар айланмаси ҳажми ўтган йилнинг шу давридаги кўрсаткичларга нисбатан 62 фоизга ўсиб, 200 млн долларни ташкил этгани таъкидланди. Айни вақтда Олма-отада 129та қўшма ва 236та ўзбек корхонаси фаолият олиб бормоқда.
Тошкент ва Олма-ота ҳокимлари учрашувида кичик ва ўрта бизнесни, шунингдек, аҳоли учун тураржойлар қуриш ҳамда туризм соҳасини ривожлантириш юзасидан фикр алмашилди.