Москванинг “Коломенская” метро бекатида портлаш содир бўлгани ҳақида аввалроқ хабар бергандик.Маълумотларга кўра, портлаш бекатнинг жанубий вестюблида, пайвандлаш ишлари олиб борилаётганда рўй берган. Портлаш оқибатида олти киши жабрланган, улардан икки нафари оғир куйиш тан жароҳати олган, яна бир нафар одам жуда оғир аҳволда.
Таъмирлаш ишлари олиб бораётган “Рост Е” компанияси ўз фаолиятидан четлатилди, дея хабар беради “Интерфакс”.
“Коломенская” метросининг жанубий вестибюли вақтинча ёпиб қўйилди. Шу сабабли фуқароларнинг ҳаётига ҳеч қандай хавф йўқ эди.
Портлаш оқибатида содир бўлган ёнғин беш квадрат метр жойга тарқалди.
[media=https://youtu.be/JGaMQV0AX6U]