15 апрелдан иш бошлаши кутилаётган «Uzmobile»нинг GSM тармоғи учун чиқарилган тариф режалари ва уларнинг нархлари ёзилган суратлар интернетда пайдо бўлди. Унга кўра янги иш бошлайдиган оператор «Yaqin», «Yaxshi», «Yana» ва «Ajoyib» номлари остидаги тўртта тариф режасини ўз ичига олади.
«Yaqin» тариф режасида кунлик абонент тўлови 5 центни ташкил қилади. Тариф ойлик бепул 30 дақиқа ва 50 мб бепул интернет трафигини ўз ичига олади. Ўзбекистон бўйлаб чиқиш қўнғироқлари (30 дақиқалик лимит тугагач) 2,5 центн ташкил қилади. «Yaxshi» тариф режасида эса кунлик абонент тўлови 15 цент бўлиб, 250 бепул дақиқа ва 120 мб бепул интернет трафиги ўз ичига олади. Ўзбекистон бўйлаб чиқиш қўнғироқлари 2 цент, битта СМС-хабар эса 1,5 центни ташкил қилади.
«Yana» тариф режасида ойлик абонент тўлови 12 доллар бўлиб, бунда ойлик 1200 бепул дақиқа ва 300 мб бепул интернет трафиклари бонус сифатида белгилаб қўйилган. Ўзбеикстон бўйлаб бошқа қўнғироқлар 2 цент, тармоқ ичидаги қўнғироқлар ва Ўзбекистон бўйлаб битта СМС-хабар нархи эса 1 центни ташкил қилади. «Ajoyib» тариф режасида ойлик абонент тўлови 20 долларни ташкил этади. Тариф ойлик 4000 минг дақиқа ва 600 мб интернет трафигини бонус сифатида тақдим этади. Ўзбекистон бўйича бошқа ҳар қандай қўнғироқлар 1 цент, битта СМС-хабар нархи эса ярим центни ташкил қилади.
Компания прайс-қоғозида ёзилишича, «Yaqin», «Yaxshi» тариф режалари фақатгина жисмоний шахслар учун тақдим этилади. «Yana» ва «Ajoyib» тариф режасидан эса жисмоний ва юридик шахслар бир вақтнинг ўзида фойдаланиши мумкин.
Манба: www.kun.uz