АҚШдаги энг йирик банк холдиниг Bank of America таҳлилчиларининг фикрича, Қозоғистон иқтисодий тушишнинг олдини олиш учун тангани яна 30 фоизга қадрсизлантиришига тўғри келади.
“Ведомости” газетасида ёзилишича, рубль қийматининг тушиши Россия билан савдо юритиш шартларини кескин ёмонлаштириб юборган; шунингдек, нефть нархининг тушиши юқоридаги омил билан биргаликда танганинг муомала қуввати тушишига олиб келмоқда. Иқтисодиётдаги жиддий ларзаларнинг олдини олиш учун миллий валютани қадрсизлантиришга тўғри келади.
Мутахассисларнинг фикрича, жорий йилнинг охиригача Қозоғистонда доллар курси 250 тангага тенглашади.