Коммунал хўжалик ва уй-жой фондининг янгиланган E-Kommunal.uz (EK.uz) портали фойдаланувчиларга қатор фойдали хизматларни таклиф этмоқда.Портални ишга туширган UZINFOCOM Маркази хабарига кўра, сайтда ҳисоб рақамини кўрсатган ҳолда коммунал хизматлар ҳисоблари бўйича балансни текшириш, мобиль тўлов хизматлари орқали тўловларни амалга ошириш мумкин.
Тўлов ҳақидаги барча квитанциялар шахсий кабинетда сақланиб қолади ва исталган вақтда уларни чоп этиш ёки компьютер (планшет, телефон) экрани орқали инспекторга кўрсатиш мумкин.
Сайтда онлайн-калькулятор ҳам мавжуд бўлиб, унинг ёрдамида жорий тарифлар асосида коммунал хизматлар нархларини ҳисоблаш мумкин. Коммунал хизматлар алоқа рақамлари маълумотномаси ҳам мавжуд.
Эслатиб ўтамиз, E-Kommunal.uz портали 2012 йилда ишга туширилган.