Ўзбекистон Республикаси Ички ишлар вазирлиги Жиноят қидирув бош бошқармаси ходимлари томонидан Тошкент шаҳрида қаллобликда ва коррупцияда гумон қилинаётган шахс қўлга олинди.Ички ишлар вазирлиги матбуот хизматининг тарқатган хабарномасида айтилишича, асли андижонлик 47 ёшли фуқаро барчага ўзини Қишлоқ хўжалиги вазири биринчи ўринбосарининг ёрдамчиси деб таништириб, фермерлардан уларнинг хўжалигига имтиёзли кредит олишга кўмаклашиш баҳонасида пул тама қилган. Шу пайтгача у бир нечта фермерни алдаб, катта миқдорда пул ундиришга улгурган.
Воқеа юзасидан жиноят иши қўзғатилди, дастлабки суриштирув ишлари олиб борилмоқда.
Манба: www.kun.uz