ФИФА томонидан терма жамоалар учун тузиб борадиган рейтингида ўзгариш бўлди. Унга кўра Аргентина терма жамоаси етакчилик қилиб турибди. Иккинчи ўринда Белгия, учинчи ўриндан эса Колумбия терма жамоалари ўрин олган.
Ўзбекистон миллий терма жамоаси эса бир поғона юқорилади ва 55-ўринга кўтарилиб олди. Осиё миқёсида вакилларимиз 4-ўринда боришмоқда. Қитъада етакчилик ҳамон Эронга тегишли бўлиб турибди. Карлуш Кейруш шогирдлари умумий рейтингда 39-ўринда боришмоқда. Кейинги поғона 48-ўринни банд қилган Жанубий Корея терма жамоасига тегишли.
Осиёда учинчи ўринда 8 поғона юқорилашга муваффақ бўлган Япония терма жамоаси бормоқда. Кунчиқар юрт вакиллари умумий рейтингда 49-ўринни эгаллашган.
Қуйида терма жамоалар рейтинги билан танишиб олишингиз мумкин. Эслатиб ўтамиз, ўтган ой учун терма жамоаларнинг якуний рейтинги 15 сентябрдан сўнг эълон қилинади.
Жаҳон 1. Аргентина - 1585 балл 2. Белгия - 1401 3. Колумбия - 1331 4. Германия - 1319 5. Чили - 1316 6. Португалия - 1266 7. Франция - 1189 8. Испания - 1165 9. Бразилия - 1156 10. Италия - 1155
Осиё 39. Эрон - 674 48. Жанубий Корея - 609 49 Япония - 595 55. Ўзбекистон - 560 57. Австралия - 549 61. Саудия Арабистон - 540 74. БАА - 484 78. Хитой - 445 79. Иордания - 437 80. Қатар - 425