«Замин»ни Telegram’да ўқинг! Join!
Zamin.uz
, 29 2024, 16:38
ЎЗO‘Z

Фейсбук фойдаланувчиси президентнинг соғлиги тўғрисида асоссиз хабарлар тарқатаётган хориж нашрларини инкор этишга чақирди

31 авг, 03:17 9 899 Ўзбекистон
«Замин»ни Telegram’да ўқинг!
Фейсбук фойдаланувчиси президентнинг соғлиги тўғрисида асоссиз хабарлар тарқатаётган хориж нашрларини инкор этишга чақирди Фейсбук фойдаланувчиси Дониёр Рўзметов ўз саҳифасида хориж нашрларида Ўзбекистон президенти Ислом Каримовнинг саломатлиги борасида асоссиз ва ёлғон хабарлар тарқатилганига жавобан пост қолдирди. У ижтимоий тармоқдаги ватандошлар, ахборот тарқатувчи сайтлардан ўз мулоҳазаларини қайта нашр этишни сўраган. Бу ҳақда "Кун" хабар бермоқда.

Қуйида матн ўзгартиришларсиз келтирилган.

Франция президенти Франсуа Олланд кечаси Париж кўчалари бўйлаб скутерда сайрга чиқиб кетганида, бу Францияда баҳс ва мунозараларга сабаб бўлган эди. Инсонлар «Президент ёнида ўзини қўриқлаш учун етарлича қўриқчилар билан биргаликда саёҳат қилдими ёки битта ўзи сайрга чиқиб, ўз ҳаётини хавф остига қўйдими?» деган саволлар билан ўз хавотирларини изҳор этишган эди. Бу каби баҳс ва мунозаралар Барак Обама ва бошқа давлатлардаги президентларнинг хавфсизлиги юзасидан ҳам юз берган. Чунки давлат раҳбари, армиянинг олий бош қўмондони ва халқнинг йўлбошчисининг ҳаёти хавф остида қолиши мумкин эмас деб ҳисобланади.

Худди шу каби баҳс-мунозаралар дунё мамлакатлари ва ҳукумат раҳбарларининг соғлиги юзасидан ҳам бўлиб туради. Бир пайтлар Россия президенти Владимир Путин бир ҳафтача телевизорда кўринмай қолганида бутун дунёда ваҳималар ва хавотирлар урчиб кетган эди. Шундай пайтда давлатнинг дўст ва душманларини билиб олиш жуда осон бўлади.

Бир томонда дўст давлатлар хавотирга тушсалар, бошқа томондан душман давлатлар (ва манфаатдор кучлар) кўринмай қолган давлат раҳбари ҳақида ҳар хил миш-мишларни тарқатиб, халқ орасида парокандалик келтириб чиқаришга ҳаракат қиладилар. Ўшанда РФ президентининг маъмурияти масалага ойдинлик киритиб, “хавотирга ўрин йўқлиги”ни айтган ва ўз халқини тинчлантирган эди. Орадан бир-икки кун ўтиб, давлат етакчиси телевидениеда кўриниш бериши билан дунё шарҳловчилари дарров “Ана, биз ҳақ бўлган эканмиз”, “унинг юзлари оқарган”, “овози хириллаган”, “юрса оқсаяпти” ва ҳоказолар деб ўзларининг ўйлаб топган миш-мишларига исботлар қидириш билан овора бўлган эдилар. Вақт уларнинг ноҳақ бўлганини кейинчалик кўрсатган эди…

…Президентларнинг саломатликлари мавзуси долзарб мавзу бўлса, инсонларнинг ахборот олиш ҳуқуқлари ва ошкоралик тамойиллари ҳам худди шундай муҳим ҳисобланади. Шу сабабдан, демократик йўлни танлаган давлатлар ҳар хил миш-мишларнинг олдини олиш ва ўз фуқароларининг фундаментал ҳуқуқларини ҳимоя қилиш мақсадида халққа президент саломатлиги ҳақидаги хабарларни ўзлари ошкора тақдим этади. Бугун Ўзбекистонда худди шундай бўлди.

Ўзбекистон раҳбари мустақиллик тантаналари арафасида саломатлигини тўлиқ кўрикдан ўтказиш ва зарур даволаниш муолажаларини олиш мақсадида шифохонага жойлашганлиги ҳақида Вазирлар Махкамаси хабар тарқатди.

Бунинг орқасидан кутилганидай манфаатдор тарафлар ўзларича ҳар хил тахминларни тақдим этиб, халқни хавотирга солишга интила бошлади. Лекин уларнинг ниятлари пучга чиққанлиги бир зумда аниқ бўлиб колди. Чунки хабар чиққан илк онларданоқ ижтимоий тармоқларда барча инсонлар ўзларининг президентимизга хайрихоҳ эканликларини билдириб, унга соғлик-саломатлик ва узоқ умр тилай бошлашди.

Ўзбек халқи минг йиллик тарихга эга, бошидан кўп кунларни кечирган доно халқ. Шу сабабдан юртдошларимиз бундай масъулиятли дамларда шовқин солиш ва хавотирга берилиш эмас, аксинча хотиржамликни сақлаш лозимлигини яхши биладилар. Менимча, энг тўғри йўл ҳам — шу.
Islom Karimov




Мавзуга оид янгиликлар
  • 29 март куни Ўзбекистон ҳудудида қандай об-ҳаво кутилмоқда? 28 мар, 15:53 227
  • Ўзбекистонда неча турдаги қурилиш материаллари ишлаб чиқарилади? 27 мар, 11:00 57
  • Ўзбекистон бўйича 25-29 март кунлари об-ҳаво қандай бўлади? 25 мар, 14:50 235
  • Давлат органлари учун ҳалоллик миллий стандарти ишлаб чиқилади 25 мар, 10:50 57
  • Эртага Ўзбекистонда ҳарорат 30 даражагача кўтарилиши кутилмоқда 24 мар, 11:59 76
  • 24 март куни республика ҳудудида кузатиладиган об-ҳаво маълумоти эълон қилинди 23 мар, 13:19 119
  • Сўнгги янгиликлар
  • Халқаро суд Исроилга мажбурият юклади 29 мар, 15:40 0
  • Франция разведкаси марказий осиёликларни кузатишни кучайтирмоқда 29 мар, 15:15 34
  • Путиннинг атрофидагилар Украинанинг «Крокус»даги терактга алоқадорлигига ишонмаяпти 29 мар, 14:48 95
  • Ўзбекистон — Гонгконг футбол учрашувидан сўнг уч кишига маъмурий қамоқ жазоси тайинланди 29 мар, 14:22 69
  • Ҳибсдан вақтинча озод этилган Дани Алвес тонггача зиёфат уюштирди 29 мар, 14:01 114
  • Тошкентда хавфли ҳолат содир этиб, қарама-қарши ҳаракатланган ҳайдовчига чора кўрилди 29 мар, 13:30 40
  • Музликларнинг эриши Ернинг айланиш тезлигини ўзгартирмоқда 29 мар, 13:06 153
  • Полшада Россия жосуслик тармоғи иши бўйича тинтувлар ўтказилди 29 мар, 12:39 70
  • Samsung ўз тарихидаги энг яхши селфи камерали смартфонни намойиш этди 29 мар, 12:12 43
  • Вадим Абрамов: "Бундай сифатли ва савияли футболчига доим таркибда жой топилади" 29 мар, 11:50 184
  • Чехия европалик сиёсатчиларни Россиядан пора олиш схемасини фош этганини даъво қилмоқда 29 мар, 11:20 123
  • Шомуродовнинг аҳволи ҳақида маълумот берилди 29 мар, 10:53 326
  • Бўлимлар