Чеченистон раҳбари Рамзон Қодиров ва қўшиқчи Тимати Россия маҳсулоти бўлган YotaPhone фойдасига iPhone ишлатишдан воз кечишди. Бу ҳақда Қодиров ўз Инстаграмида маълум қилган.“Қадрли дўстлар! Мен аввал ҳам iPhone ишлатишдан воз кечмоқчи эканимни маълум қилган эдим. Бу вақт оралиғида YotaPhone’ни ишлатишни ўрганиб чиқдим. Бугун ёнимга дўстим Тимати – Тимур Юнусов келди. Мен унга ҳам YotaPhone совға қилдим. Бундан бошлаб иккимиз ҳам YotaPhone ишлатамиз. У фойдаланиш учун қулай, кўриниши ҳам чиройли, бундан ташқари у Россия маҳсулоти”, деб ёзди Қодиров.
Аввалроқ, телебошловчи Тина Канделаки Қодировга Россия маҳсулоти бўлган YotaPhone 2 смартфонини тақдим этган эди. Ўшанда Қодиров россияликларни Америка ижтимоий тармоқлари ва смартфонларидан воз кечишга чақирган эди.
Манба: www.kun.uz