Ҳар тонг ишга шошаётиб, уйда ниманидир эсдан чиқариб қолдиргандек туйилаверади: «Дазмолни ўчирганмидим, газни-чи, эшикни қулфладим, лекин кейин калитни олдимми?..» Бу ҳаммада кузатиладиган ҳолатлар, албатта. Мутахассислар одамлар энг кўп ёддан чиқарадиган нарсаларни ҳисоблаб чиқишибди. Қизиқ, улар нималар экан-а?
Қарийб 15 миллион киши ўзи учун дамлаб, пиёлага қуйиб қўйган чойни унутиб қўяр экан. Худди шунча одам машина ёки уйнинг калитини қаерга қўйганини эсдан чиқарар экан. 12 миллион киши эса дўконга кириб, аслида нима харид қилишга келишганини эслай олмайди, яна шунча одам ювилган кийимни кир ювиш машинасидан олишни ёддан чиқаради.
Кўпчилик одамлар ўз пин-код ва паролларини, музлатгичдан овқатни олиш кераклигини ҳамда қўл телефонини заряд олдиришни унутиб қўйишади.
Тадқиқотлар эркаклар аёлларга қараганда бироз паришонхотирроқ эканлигини кўрсатган. Кўпчилик муҳим воқеа ёки санани унутиб қўймаслик учун уйининг турли ерлари, календарга уни катта харфлар билан ёзиб ёки қўл телефонига эслатма қилиб қўяди.
Энг кўп ёддан чиқадиган нарсалар рўйхати:
1. Чойни қайноқлигида ичишни
2. Калитни қаерга қўйганлигини
3. Дўконга аслида нима учун борганлигини
4. Кир ювиш машинасидан кирларни олишни
5. Музлатгичдан овқатни олишни
6. Қўл телефонини заряд олдиришни
7. Болалар олдида сўкинмасликни
8. Машинани қаерга қўйганини
9. Дўстлар ё қариндошлар туғилган кунларини.
Манба: DiydorAziz.uz