Marvel комикслари сценарийси муаллифи Брайан Майкл Бендис янги “Темир одам” қора танли қиз бўлиши ҳақида маълум қилди. Бу ҳақда “Qalampir.uz” хабар берди.Унинг сўзларига кўра, 15 ёшли Рири Уильямс биринчи марта “Invincible Iron Man #9” комиксида тақдим этилди.
У ўзининг Темир одам камзулини тайёрлагандан сўнг, дарҳол Тони Старкнинг эътиборини ўзига тортди, дейди Бендис.
Сценарий муаллифининг айтишича, Рирининг худди бошқалар каби ўз антиқа тарихи бор.
Маълумот ўрнида, Брайан Майкл Бендис 1967 йил 18 августда АҚШда таваллуд топган. У бир вақтнинг ўзида ёзувчи, сценарист, комикслар муаллифи ва рассом ҳисобланади. Бендис Image Comics ва Marvel Comics’лар учун бир қатор сценарийлар ёзиб берган