Уэльс терма жамоаси ҳужумчиси Гарет Бэйл Европа чемпионати ярим финалида Португалияга қарши кечадиган ўйин ҳақида фикр билдирди.
- Ярим финалда икки футболчи эмас, балки икки жамоа тўқнаш келади. Аммо Роналду ҳақида гапирадиган бўлсак, у ажойиб футболчи. Унинг имкониятларини ҳамма яхши билади.
Биз эса эътиборимизни жамоа сифатида ўйнашга қаратамиз. Биз алоҳида шахсларга урғу бермаймиз.
Роналду ҳозир нима қилаётгани ва ўзини қандай ҳис қилаётгани ҳақида ҳеч нарса дея олмайман. Мен эса ўзимни яхши ҳис қилмоқдаман. «Реал»да биз жуда яхши келишамиз ва биргаликда тўп суришдан лаззат оламиз. Аммо бу ерда мен учун вазифа бошқачароқ - терма жамоада бор кучимни кўрсатиш.
Биз ярим финал билан чекланиб қолмоқчи эмасмиз, - дейди Бэйл.