Японияда сизга мева ёки резавор совға қилишдими, билингки, демак, сиз жуда ҳурматли инсонсиз.
Нега дейсизми? Албатта, жаннатмакон Ўзбекистонда яшайсиз ва хеч қаерда тенги йўқ сархил мева ва резаворларимиздан бахраманд бўласиз. Шунинг учун ҳам, мева ёки резавор совға қилиш оддий ҳолат, деб ўйлашингиз мумкин. Бироқ, Японияда баъзи мева ва резаворларнинг нарҳини эшитиб ҳайрон қолишингиз аниқ. Мана масалан, Токиодаги
"Sembikiya Fruit Parlo" мева растасидан кўра қимматбаҳо заргарлик дўконига ўхшаб кетади. 200 йиллик тарихга эга ушбу дўконда фақат махсус меваларгина сотилади. Уларни асосан тўй совғаси, ота-оналар учун ёки жуда ҳурматли инсонлар учун сотиб олишади.
Бу ерда биргина қовуннинг нархи 160 доллар туради. Антиқа тўртбурчак ёки юрак шаклидаги тарвуз нархи эса 900 доллар туради.
12 дона қулупнай ўралган қути эса нақд 45 доллар туради. Ҳар бир донаси кичикроқ олмадек келадиган, бир шингили[ 5400 доллар турадиган узум ҳақида эса гапирмай қўя қолайлик.
Дунёдаги энг қиммат қовун нави ҳам шу ерда, унинг нарҳи осмонқадар десак ҳам
бўлаверади; 26000 доллар (!).
Нима ҳам дердик, дунё ажойиботларга тўла. Уларни эшитиб ёки кўриб ҳайрон бўлишдан бошқа иложимиз йўқ.