Бахт ҳақида ҳамманинг ўз фикри, нуқтаи назари бор, бироқ узоқ умр кўриш ҳақида эса барчага бирдай маслаҳат бериш мумкин,
дейди “Даракчи” нашри.
1. Оптимистлар узоқ умр кўришадиҲаётга оптистик нигоҳ билан қаровчи инсонлар нафақат узоқ умр кўришади, балки тўлақонли ҳаёт кечиришади. Оптимизм стрессларнинг олдини олиб, иммунитетни мустаҳкамлайди ва бир қанча касалликларнинг олдини олади.
2. Оёғингизни асрангОёғингиз мускуллари бақувват бўлса, бу сабр-бардошни оширади, балансни яхшилайди. Ахир инсон кўп вақтини ётиб эмас, тик оёқда ўтказади. Мушаклар соғломлиги қариганда суяклар синишининг олдини олишга ёрдам беради.
3. Дўстлари кўп одамнинг умри узоқ бўлади
Дўстларнинг кўплиги стресснинг олдини олишдаги муҳим омиллардан биридир. Яқин дўстлар юзага келган муаммоларнинг олдини олишда, уни бартараф этишда кўмаклашишади, руҳий мадад беришади. Дўстлар билан суҳбат қуриш кайфиятни кўтаради, қонда эндорфин моддаси миқдорини оширади.
4. Агар онангиз сизни ёш туққан бўлса, узоқ умр кўриш имконияти кўпроқ бўладиСтатистиканинг кўрсатишича, агар сизни онангиз 25 ёшида туққан бўлса, сизда 100 га кириш имконияти бошқаларникидан кўра кўпроқ бўлади.
5. Уйингизда озодаликка эътибор берингУй тозалаш нафақат жисмоний машқ, балки хавфли микробларни йўқ қилишнинг энг қулай йўлларидан биридир. Аммо тозаликка эътибор бераман, деб ошириб юборманг, ҳамма нарсанинг ўз меъёри бор.
6. Илмли, маълумотли бўлиш узоқ умр кўришга ёрдам берадиСтатистик маълумотларга кўра, илмли, олий маълумотли инсонлар бошқалардан кўра узоқ умр кўради. Билим уларнинг ҳаётни яхшироқ тушунишига, зарарли одатларга ружу қўймаслигига ёрдам беради. Бу ерда гап диплом устида кетмаяпти, қўлингизда университетнинг дипломи бўлиши шарт эмас. Мустақил билим олишга, ўқишга, ўрганишга интилинг, ўз устингизда ишлаб, билим доирангизни кенгайтиринг.
7. Мақсадни тўғри белгилангМуаммоларга амалий ёндашишни ўрганинг. Ҳаётий муаммоларга тўғри ёндашиш стрессларнинг олдини олади, мия иш фаолиятини яхшилаб, узоқ умр кўришга сабаб бўлади.
8. Рационингизда гўшт миқдорини камайтирингСтатистик маълумотларга кўра, рационингизда гўшт миқдори юқори бўлса, бу жуда кўп касалликларга сабаб бўлади. Узоқ умр кўришни истасангиз камроқ гўшт истеъмол қилинг.
9. Тўқ рангли меваларга эътиборли бўлингТўқ рангли узумлар, қизил узум шароби, черника меваси таркибидаги полифенол юрак қон-томир ва кўплаб бошқа касалликларнинг олдини олишда катта роль ўйнайди.
10. Болалигингиздан бошлаб, вазнингизга эътиборли бўлингАгар нотўғри турмуш тарзини кечириб, ўсмирлик ёшингиздан бошлаб, ортиқча вазнга эга бўлсангиз, келажакда ҳам бу зарарли одатдан қутулишингиз қийин кечади. Бунинг олдини олиш учун ўсмирлик пайтингиздан бошлаб, вазнингизга эътиборли бўлинг.
11. Чой ичингЯпонияликларнинг узоқ умр кўришига уларнинг кўп миқдорда чой истеъмол қилиши ҳам сабабчидир. Чунки кўк ва қора чой таркибидаги флавониодлар — катехинлар юракни бақувват қилади.
12. Кўпроқ пиёда юрингАгар кунига 30 дақиқа давомида пиёда юрсангиз, бу ишни бажармайдиганлардан кўра тўрт баробар кўпроқ умр кўриш имкониятингиз мавжуд бўлади. Бу сизга жуда жўн кўринса ҳам, аслида пиёда юриш соғликни сақлашда энг муҳим омиллардан биридир.
13. Ширин, газли сувни камроқ истеъмол қилингАгар кунига камида бир стакан газли сув ичадиган бўлсангиз, қандли диабет, ортиқча вазн, депрессия, юрак қон-томир касалликларига чалиниш хавфи юқори бўлади.
14. Соғлом инсонлар билан мулоқотда бўлингАгар соғлом турмуш тарзини кечиришни истасангиз, бўшашманг. Мабодо ёмон одатларга эга одам билан мулоқотда бўлсангиз, улар озгина гўшт есангиз, бир кунга спортзалга бормасангиз, ҳеч нима бўлмаслигига сизни ишонтиради. Ҳар доим соғлом ва бахтли инсонлар даврасида бўлишга интилинг, шунда сиз ҳам улар каби бахтли ва соғлом бўласиз!