Ўзбекистон иқтисоди Жаҳон банки экспертлари фикрига кўра 2016 йилда 7,3 фоизлик ўсишни қайд этади. Бу эса январь ойидаги прогноздан 0,2 фоизга пастроқ кўрсаткич,
дейилади "Кун" нашрида. Шунга қарамасдан, бу МДҲ ва Шарқий Европа мамлакатлари орасидаги нисбатан энг яхши кўрсаткич ҳам ҳисобланади.
Жаҳон банкининг «Глобал иқтисодий ислоҳотлар» номли янги ҳисоботида Европа ва Марказий Осиё мамлакатларидаги вазият бу мамлакатларнинг нефть, металлар қишлоқ хўжалик маҳсулотлари нархи арзонлашишига қандай мослашишидан келиб чиқиб прогнозлар қилинган.
Ўзбекистон иқтисоди ўсиши 2017 ва 2018 йилларда 7,2 фоиз даражасида бўлиши прогноз қилинган (январь ойидаги прогнозлардан 0,5 фоизга кам). МДҲ мамлакатлари орасида энг катта пасайиш Туркманистон кўрсаткичларида кузатилган. Таҳлилчилар фикрига кўра, Туркманистон иқтисодиёти прогнози 4 фоизлик натижани қайд этган. Кейинги 2 йилда бу мамлакат кўрсаткичи 8,9 фоиздан 5 фоизга туширилган.
Қозоғистон иқтисоди ўсиши жорий йилда 0,5 фоизга, Қирғизистон иқтисоди 3,4 фоизга, Тожикистон иқтисоди 4 фоизга, Россия иқтисоди 1,2 фоизга пасайиши прогноз қилинган.
Жаҳон иқтисодида жорий йилнинг иккинчи ярми учун иқтисодий ўсиш пасайиши 2,4 фоизга камайиши прогноз қилинган.
Бундан ташқари, Жаҳон банки 2016 йилда нефть нархи дунё бозорида яна тушишини башорат қилган. 2017 йилда эса нархлар кўтарилиши кутилмоқда. Ҳисоботга кўра, жорий йилда нефтнинг бир баррели нархи 41 долларни ташкил қилади. Январда бу рақам бир баррели учун 51 доллар сифатида кўрсатилганди. 2017 йил учун прогнозда нефтнин 1 баррели учун ўртача нарх 50 доллар бўлиши айтилган.